करता दंडोता आवे भगत थारे दर्शन ने आवे माजीसा भजन
करता दंडोता आवे,
भगत थारे दर्शन ने आवे,
मोतीया वाली माता थारी,
ओ मोतीया वाली माता थारी,
जय जयकार सुनावे,
जोगीदा मे जन्म लियो थे,
माजीसा महारानी,
जोगराज सिंह पिता आपरा,
जाणे दुनिया सारी,
नाम स्वरूप कंवर कन्या रो,
ओ नाम स्वरूप कंवर कन्या रो,
पंडितजी बतलावे,
जसोल नगरी राठौडा घर,
थारो लगन लिखायो,
नाम कल्याण सिंहजी राजा,
आप भलो वर पायो,
गाजा बाजा साथे मैया ओ,
गाजा बाजा साथे मैया,
जसोल गढ मे आवे,
पुत्र रतन धन पायो मैया,
लालसिंह कहलायो जी,
रानी देवली करी इर्ष्या,
जहर लाल ने पायो जी,
पुत्र वियोग मे रानी स्वरूपा,
ओ पुत्र वियोग मे रानी स्वरूपा,
देह त्याग कर जावे,
दमामी ने परचो दीनो,
पायल चुडलो पायो जी,
माजीसा भटियाणी थारो,
नर नारी जश गायो जी,
जसोल वाली माजीसा ने,
ओ जसोल वाली माजीसा ने,
चार खुट मे ध्यावे,
गायक – मोईनुद्दीन जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
