घनश्याम म्हाने आकर दर्श
घनश्याम म्हाने आकर,दर्श दिखाओ बाबा श्याम,
म्हारा सांवरा ओ मनगरिया श्याम,
मन में थारी आश हे,हे थारो विश्वास,
दर्शन चांवा आपका,पुरो म्हारी आश,
घनश्याम थारी मनहर सुरत दिखाओ प्यारा श्याम,
घनश्याम म्हाने आकर,दर्श दिखाओ ......
मोर मुकुट कटी काछिनी,घुँघर वाला केश,
पित वसन तन पर सजे,नट नागरियो भेष,
घनश्याम थारा कुण्डल की बलिहारी प्यारा श्याम,
होठ गुलाबी रस भरिया,मुख में नागर पान,
मुरली सोहे हाथ में,मीट्ठी सी मुस्कान,
घनश्याम थारे गल बिच हार हजारी प्यारा श्याम,
कमर सुहानी करघनी,लडिया लटके लाल,
पगल्या पायल बाजनी,हीरो चमके भाल,
घनश्याम थारा नैनां नेह पिटारी बाबा श्याम,
जय मुरलीधर माधवा,जय जय नंदकिशोर,
जय हो तेरी प्राण धन,सांवर के चितचोर,
घनश्याम म्हारे हिवडे आय विराजो प्यारा श्याम,
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
