थे तो आराग्योनी मदन गोपाल,
कटोरो ल्याई दूध को भरो।
कटोरो ल्याई दूध को भरयो।
दूदा जी म्हानें दई बुलावण,
जद मैं आई चाल,
धोळी गाय को दूध गरम कर,
ल्याई मिसरी डाल,
क्यानें रूठ गया मेड़तिया भगवान,
किस विध रूठ गया छौ बाला,
कारण काह महाराज,
दूध कटोरो धरयो सामने,
पीवण री काई लाज,
भूखा मरता रा पींच ज्यासी थारा गाल,
श्याम सलौने दूध आरोगो,
साँची बात बताऊँ,
बिना पिया यो दूध कटोरो,
पाछी लेर ना जाऊँ,
देस्यूँ सांवरिया चरणां में देह त्याग,
करुणा सुन डरिया प्रभु जी,
मन्द मन्द मुस्कात,
गट गट दूध पिवण ने लाग्या,
चारभुजा रा नाथ,
प्रभु राखोजी भक्तों री जाती लाज,
हरष चली मीरा महला में,
खाली कटोरो लेय,
दूध प्याय दादा दूदा ने,
दियो कटोरो देय,
खाली देखत ही कटोरो राव रिसाय,
अब मीरा पर आफत आई,
झूठी साँची कहीवै,
साचत दूध पियो प्रभुजी ने,
कौन गवाही देवे,
थाने नजरां सूं दिखाऊँ चालो साथ,
भरयो कटोरो लेय सब मिल,
ले मीरा ना सागे,
सारां देखत दूध कटोरो,
धरयो प्रभुजी के आगे,
मीरा ऊबी ऊबी करे अरदास,
दया करो दीनों के स्वामी,
अब पत राखो म्हारी,
काल कटोरो झटके पी गया,
अब क्यों करते देरी,
काई शरमाया मीरा का सिरजनहार,
सुनी प्रेम की टेर प्रभुजी,
मन्द मन्द मुस्कायां,
मीरा दासी जान दयानिधि,
च्यारूँ हाथ बढाया,
पी गया मीरा को कटोरो दूध उठाय,
मीरा नृत्य करे प्रभु के आगे,
हरख्यो सारो साथ,
भक्तों के बस में गिरधारी,
चार भुजा रो नाथ,
प्यारो लागे जी मेड़तियो भगवान,
थे तो आरोगोनी मदन गोपाल,
थे तो आराग्योनी मदन गोपाल,
:- बाबा चित्र विचित्र जी महाराज
ऐसे ही सुन्दर भजन आप निचे दी गयी सूचि में देख सखते है
गणेश जी के भजन
विट्ठलाचे अभंग मराठी
राधा कृष्ण के भजन
कृष्णाच्या गवळणी मराठी
शिव जी के भजन
गुरुदेव के भजन
माता रानी के भजन
दादाजी धुनिवाले के भजन
साईं बाबा के भजन
देश भक्ति गीत
राम जी के भजन
फ़िल्मी तर्ज पर भजन
हनुमान जी के भजन
बधाई गीत
आरति संग्रह
चालीसा संग्रह
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
