धोरां धरती माय धणी रो,
मिन्दर बनीयो भारी,
दूर देश सु आवे जातरी,
दर्शन ने नर नारी,
चरणा मे धोक ओ,
चरणा मे धोक लगावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
धोली धोली ध्वजा धणी रे,
देवरे फहरावे,
दुखीया रा दातार रामदेव,
नेजो हाथ धरावे,
कोढिया रा कोढ मिटावे जी,
ओ रामा कोढिया रा कोढ झडावे जी,
थाने तो ध्यावे आखी मारवाड़ ओ,
बाबा गुजरात ओ,
लीले री सवारी बाबो,
भालो हाथ धरावे,
रूनीचा रे मार्ग बाबो,
घोडलीयो घुमावे,
भगता ने दर्श ओ,
भगता ने दर्श दिखावे जी,
भादरवा मे मेलो लागे,
सारी दुनिया आवे,
राम सरोवर माई नावे,
रोग सब मिट जावे,
भगता रा मन हर्षावे जी ओ,
भगता रा मन हर्षावे जी,
दूर दूर सु पैदल थारा,
भक्त घनेरा आवे,
खांदा पर कपडा रो घोडो,
ध्वजा हाथ धरावे,
नाचे गावे धूम मचावे जी,
ओ बाबा नाचे गावे धूम मचावे जी,
निर्धनीया ने रामदेवजी,
माया घणी दिरावे,
बांजडीया ने बेटा देवे,
सुणी गोद भरावे,
पांगलीया ने पाव ओ,
पांगलीया ने पाव दिरावे जी,
पीरा रो है पीर रामदेव,
भगता रो हितकारी,
जात पात रो भेद मिटायो,
बाबो लीलाधारी,
प्रेम रो मार्ग बतायो जी ओ,
प्रेम रो मार्ग बतायो जी,
कैलाश दान पर किरपा करने,
बाबो दर्श दिखावे,
नेतलदे ने सागे लेने,
बाबो वेगा आवे,
भवजल पार ओ,
भवजल पार उतारे जी,
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
