निमिया के डार मैया
निमिया के डाढ़ मईया
लावेली झुलुहवा हो की
झूली रे झूली ना
हो की झूली रे झूली ना
की मईया मोरी गावेली
गीतियाँ हो की झूली रे झूली ना
झूलत झूलत माई के लगली
पियसिया की चली रे गईली ना
मलहोरिया दुवरिया मईया
चली रे गईली ना
सुतल बाड़ू की जागल ऐ
मलिनिया हो की बून्द एक ना
हमके पनिया पियाई द
मालिन बून्द एक ना
कईसे के पनिया पियाई ऐ
सितली मईया मोरे गोदिया
हो की मोरे गोदिया
बाड़े बलका नादान
मईया मोरे गोदिया
बलका सुता द मालिन सोने के
खटोलवा की बून्द एक ना
हो की बून्द एक ना
बलका सुतवली मालिन सोने के
मईया के पनिया पियवली
जईसे जईसे मालिन तू हमके
जुड़ववलु की ओईसे ओईसे ना
हो की ओईसे ओईसे ना
तोहार बलका जुड़ास
मालिन ओईसे ओईसे ना
तोहार मालिया जुडास
निमिया के डाढ़ मईया लावेली
झुलुहवा हो की झूली रे झूली ना
की मईया मोरी गावेली गीतियाँ
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
