पोरा पाप रा आया,
छुटा नेम धर्म सब डूबा,
चउदिश कलजुग छाया संतो,
पेलो धर्म हिन्दु रो डुबो,
गऊ माता कटवाया,
आखिया रे हामी गाया कटिजै,
जीव दया नहि आया साधु भाई,
दुजो धर्म पिता रो डुबो,
बेटी ने बहकाया,
सुक जाने ने सगपण सोडे,
कनीया रे कलंग लगाया,
साधु भाई पोरा पाप रा आया।।
तिजो धर्म बेटी रो डुबो,
कर्म करे मनसाया,
परनीयो री नार पाछी परनीजे,
पति दाई नी आया,
चोथो धर्म सोवटिया रो डुबो,
चोर नीती अपनाया,
पईसा रे खातिर पाप करेने,
घर री धुड ऊडाया,
संतो पोरा पाप रा आया।।
पाचवो धर्म पंसा रो डुबो,
निती नियाव सलाया,
पंस पनसायती खोटी करे,
ऐडा कलजुग आया,
छटो धर्म बेटा रो डुबो,
परन पदमनी लाया,
पागल पुत्र नारी रे वस में,
माँ बाप ती करे लडाया,
सगला थे भाई हिल मिल चालो,
नेम धर्म यु बताया,
मनु राम सतघुरू रे सरणे,
सरणो मैं सुक पाया,
गायक – श्याम पालीवाल जी।
प्रेषक
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
