भगता रो हेलो सुनने,
आवजो म्हारी करणी माता,
नित उठ जोडु थाने हाथ,
ओ म्हारी करणी माता,
भगता पर छत्तर छाया,
राखजो करणल किनीयानी,
राखजो म्हारी करणी माता,
राखो भगता वाली लाज।।
धोरां मे बनीयो थारो,
देवरो म्हारी करणी माता,
धोरां मे बनीयो थारो देवरो,
म्हारी करणी माता,
शोभा है अपरम्पार,
भगता ने मोटो थारो आसरो,
मोटो है थारोडो आधार,
ओ करणल किनीयानी,
चारण कुल मे अवतारी,
आप हो म्हारी करणी माता,
जाणे है जुग संसार,
धर मे त्रिशूल धारी आप हो,
म्हारी करणल किनीयानी,
ढोल नगाडा बाजे नोपता,
करणल किनीयानी,
झालर री गुंजे झनकार,
काबा हजारो थारे आंगने,
भगता री लागे कतार,
शरने आया री लजीया,
किजो सकल री सहाय,
विपदा री वेला वेगी,
आवजो करणल किनीयानी,
दर्शन दीजो म्हाने आय,
भगत ‘मोईनुद्दीन’ आपरो,
आयो है थारे दरबार,
चरना री दीजो म्हाने,
चाकरी म्हारी करणी माता,
कर दीजो इतरो उपकार,
गायक – मोईनुद्दीन जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
