भादुडा में गरणावे तेजल अलगोजा की जोड़ी
20
॥ श्री ॥
भादुडा में गरणावे तेजल,
अलगोजा की जोड़ी,
बांध पगा में घुंघरा,
नाचेंली लिलण घोडी।।
गांव गांव खेडा में तेजा,
निकल छः बन्दोरी,
डिजे ऊपर घुमर खावे,
या भक्ता वाली टोली,
बागा में हरियाली छाई,
बोलें छः कोयलडी,
मोरया नाचें मोरणी,
लागे छः प्यारी जोडी,
काली काली बादली,
बरसे छः थोडी थोड़ी,
खेता माही हलयो बावे,
दो बैला की जोड़ी,
काला को खायोडो तेजा,
थारी आवे दोडी,
पल में झाडो देर मिलावे,
घर धणी की जोडी,
सुरसुरा में तेजा थारी,
प्यारी लागे मेडी,
दसमी को थारे मैलो लागे,
दुनिया आवे दोडी,
जाटा का तेजाजी थाने,
सोवे लिलण घोडी,
‘रमेश प्रजापत’ महिमा गावे,
कृपा करजे थोडी,
गायक / प्रेषक – रमेश प्रजापत टोंक।
॥ जय हो ॥
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
Sponsored
Devotional partner
