म्हाने बेगो बुलाल्यो बाबा श्याम,
बसा ल्यो थां के गाँव,
ओ खाटू वाला श्याम धणी,
ओ लीले वाला श्याम धणी।
तर्ज – थासु विनती करा हाँ।
म्हारो भी मन बहोत करे है,
खाटू में रम जाऊं,
दिन उगवा सु पहल्या बाबा,
थारा दरशन पाऊं,
थाने मीठा तो भजन सुनाऊँ,
थाने तो अपनों बनाऊं,
श्याम कुंड को जल बहवे है,
देखो अमृत गारी,
जो भी न्हावे श्याम कुंड में,
वी पे किरपा न्यारी,
मैं तो रोज ही डुबकी लगाऊं,
अपना तो दोष मिटाऊं,
जद जद थारी याद सतावे,
मैं दर पर आ जाऊं,
देख के थारो मुखडो बाबा,
मैं तो खुश हो जाऊं,
थाने पल पल खबर बताऊँ,
तन मन की बात बताऊँ,
या ही तमन्ना म्हाकी बाबा,
थे ही ध्यान धरोला,
भक्ता की तो खाटू वाला,
थे ही अर्ज सुनोला,
म्हाने थासे ही हरदम आस,
थारो ही तो विश्वास,
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
