सड़का सड़का दिवलीयो संजोय भोला सेवक रे भादरिया माता भजन
सड़का सड़का दिवलीयो,
संजोय भोला सेवक रे,
माताजी रो जोटो लेगा चोरटा,
मैणा माताजी रो जोटो लेगा चोरटा।।
एडा है ऐलान जोटा रा ऐलान,
भोला सेवक रे,
एडा रे ऐलान जोटो रावलो,
सबरो जोटा रो पूछ म्हारी जरणी ए,
सोना री सिंगडीया जोटो रावलो,
ओ सबरा तो जोटा खावे,
घास म्हारी मैया ए,
सबरा तो जोटा खावे,
जगदम्बा रो जोटो डोडा एलची,
सबरा तो जोटा पीये नाडा नाडली,
म्हारी मैया ए,
जगदम्बा रो जोटो समुंदा मायने,
ओ सबरा तो जोटा बंधीया,
डोरीया सु माता ए,
सबरा तो जोटा बंधीया,
जगदम्बा रो जोटो सोना साकली,
मिलगा मिलगा जोटा रा ऐलान,
एडा ऐलान जोटो रावलो,
ओ बांध्या बांध्या हाथ ने,
पाँव म्हारी मैया ओ,
बांध्या बांध्या हाथ ने,
पाँव म्हारी मैया ए,
बांधी मुखडा ने वाली जीभडी,
आगी आगी मैणा री,
घर नार म्हारी मैया ए,
आय भादरिया मे हेलो मारीयो,
ओ सुनजो सुनजो मारोडी,
पुकार माता जरणी ए,
सुनजो सुनजो मारोडी,
म्हाने तो देदो अमर चुनडी,
भवानी म्हाने तो देदो अमर चुनडी,
देवु देवु छेडा बंधी जात,
माता जरणी ए,
ओपतो बनादु म्हारो डिकरो,
आगी आगी माताजी ने,
दया म्हारी माता ए,
किनो मैणा ने साझो साथडो,
ए खोल्या खोल्या हाथ ने,
पाँव माता जरणी ए,
खोल्या खोल्या हाथ ने,
खोली मुखडा ने वाली जीभडी,
एक अरज म्हारी,
मानो म्हारी माता ए,
मानो म्हारी मैया ए,
चरने आया ने सोरा राखजो,
अरे लेवु लेवु थारोडो,
नाम माता जरणी ए,
लेवु लेवु थारोडो,
मै नाम माता जरणी ए,
भगत गावेने आप साम्भलो,
बनीयो बनीयो भादरिया मे,
धाम म्हारी माता ए,
सातु बहना संग आवजो,
भवानी सातु बहना संग आवजो,
अरे खेले खोला मे थारे,
खेतलो माँ जरणी,
ए खेले खोला मे थारे,
भेरू माँ जरणी ए,
भाटी कुल री भादरिया री,
माँ आयल माता ए,
दलपत सिंह भाटी ने,
चरना राखजो,
सौरभ कंवर ने,
इन कलयुग मे थारो सहारो,
सबरे भगता री विनती साम्भलो,
मैया सबरे भगता री अरजी साम्भलो।।
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
