सांवरा कद मारा दुख जावेला,
कद मारी किस्मत रा,
दिनडा पलटी खावेला।।
कई दिना तक दुखड़ा देख्या,
देखी घनेरी रात,
ओछी उमर को जीवणु,
काई केउ बात,
सांवरा कद मारी आस पुरावेला,
कद मारी किस्मत में,
दिनडा आछा आवेला,
सावरिया कद मारा दुख जावेला,
मेहनत करके लिखणी चाही,
मैं मारी तकदीर,
मेहनत मारी रास नी आई,
नानी बाई रा बीर,
सांवरा कद आछा दिन आवेला,
मैं हा थारा नाना बालक,
करस्यां छोटी बात,
महिमा थाकि मोटी साँवरिया,
किज्यो कृपा नाथ,
सांवरा कद मने दर्शन देवेला,
बंद किस्मत रा ताला खोलो,
खोलो साँवरा सेठ,
भरी सभा में बनी राख जो,
राखो मारी पेठ,
सांवरा नहीं तो मारी जावेला,
समय चक्र है थाका हाथ में,
मैं सब जाणु नाथ,
अनहोनी ने होनी कर दे,
माका दीनानाथ,
सांवरा कद आछा दिन लावेला,
महादेवा चरणा में श्यामा,
महिमा गावेला,
गायक – मुकेश जी महादेवा।
प्रेषक – किशन धाकड़।
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
