सोना वालो पालनो चौबारा के माय रामदेवजी
20
॥ श्री ॥
सोना वालो पालनो,
चौबारा के माय,
पालना मे प्रगट्या देखो,
म्हारा दीनदयाल,
माता मैणादे रा लाल,
धीमा धीमा हिण्डा देवे,
हंस हंस ने बतलाय,
गीगा सोजा म्हारा लाल,
भाग म्हारा जाग्या आंगन,
आया दीनदयाल।।
कुंकुम पगल्या मांड्या,
अजमल रे घर आय,
घर में पानी बापजी,
दीनो दूध बनाय,
सात दिना रो गीगलो,
परचो दियो बताय,
दूध उपनतो हाथ सु,
पल में दियो ढबाय,
पल दियो ढबाय,
छम छम बाजे घुंगरा,
पालनीया रे माय,
अब तो सोजा लाडला,
होवन लागी भोर,
पोढ्या पोढ्या बापजी,
धीरे से मुस्काय,
गोद्या लेले मावडी,
दीनो कंठ लगाय,
रामदेव रो पालनो,
दास अशोक सुनाय,
निज भगतो रे बापजी,
दीजो दर्श दिखाय,
गायक – कीर्ति जी जोशी।
प्रेषक – मनीष सीरवी।
(रायपुर जिला पाली राजस्थान)
॥ जय हो ॥
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
Sponsored
Devotional partner
