हमें मोरी सायल सुणो रे सिद्द रामदेवजी सायल
हमें मोरी सायल सुणो रे,
सिद्द रामदेव हो ओ ओ जे।
दोहा – रामा सामी आवजो,
कलजुग बहे क्रूर,
अर्ज करू अजमाल रा,
हेलो साम्भल जो जरूर।
हालो हरजी देवरे,
परचो रामा पीर,
दुखिया ने सुखिया करे,
बाबो साजा करे शरीर।
हरजी के म्हाने हर मिलिया,
आडे मार्ग आय,
सेवा में बाबो घोड़ो दियो,
तो दूध पिलायो लाय।
केठोड़े लगावो इतरी,
देरी रे महाराजा,
देवरे रे आगे बावड़ी खुदावो हो ओ जे,
ए झारी भर हाजर होवो रे महाराजा वो,
काची रे केळ रा दातण दिराऊ रे ए हो जे,
पीरजी ने कुरलो कराऊ रे महाराजा आ,
खीर खांड रा इमरत भोजन हो ओ ओ जे ए,
बापजी ने नेत जिमावा रे महाराजा,
आप जीमो रे हरजी सेवा रे माय हाजर हो ओ जे,
रुच रुच भोग लगावो रे महाराजा आ,
एक मोरी सायल सुणो रे बाबा रामदेव हो जे,
हिंगलू पायो रो बाबा ढोलियो रे ढलाऊ रे हो जे,
फूलों हन्दी सेज बिछाऊ रे महाराजाओ,
आप पोढो रे हरजी सेवा रे माही हाजर हे जे ए,
ढोलिये रो चाकर रेऊ रे महाराजा आ,
नव नव डाणु बाबा आगे थे दलिया हे ए जे ए,
दशवे कालिंगे री बारी हो महाराजा आ,
हरी रे शरणे में भाटी हरजी बोलिया हो ओ जे ए,
जुग जुग चरणों में राखो रे महाराजा आ,
गायक – श्री दारम जी पँवार।
प्रेषक – रामेश्वर लाल पँवार।
आकाशवाणी सिंगर।
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
