अजमलजी रे आंगन माई,
सखीया मंगला गावे।
खम्मा खम्मा ओ म्हारा,
रूनीचे रा धणीया,
थाने तो ध्यावे आखी मारवाड़ ओ,
बाबा गुजरात ओ,
अजमालजी रा कंवरा,
पीठी हल्दी तेल चढावे,
बाजोट बैठावे,
रामदेवजी ने ओ,
रामदेव ने बिन्द बनावे जी,
रामदेव सु आकर माता,
मैणादे बतलाई,
लाछा तो आयी म्हारी,
सुगना क्यु नही आयी,
सुगना ने लेवन सारू जावो जी,
ओ बेटा सुगना ने लेवन सारू जावो जी,
रतना ने लेवन ने भेज्यो,
उनने कैद कराई,
पुंगल गढ मे आंसूडा,
ढलकावे सुगना बाई,
बीरोसा री ओलुडी ओ,
बीरोसा री ओलुडी घणी आवे जी,
लीले री असवारी बाबो,
पुंगल गढ मे आया,
सुगना बाई ने सागे लेने,
नगर रूनीचे आया,
माता मैणादे मन हर्षाया,
ओ भाया माता मैणादे मन हर्षाया,
रामदेव परणीजन चाल्या,
अमरकोट के माई,
मरीयोडी मिनकी ने साली,
लायी थाली माई,
मिनकी ने जीवत ओ,
मिनकी ने जीवती कराई जी,
रामदेव परचो दिखलायो,
बैठा फेरा माई,
पाव दिया नेतल रानी ने,
पगल्या सु चलाई,
सगला अचरज लायो जी,
ओ बाबा सगला अचरज लायो जी,
अमरकोट सु जाण पाछी,
रूनीचा मे आयी,
बीरे ने बधावन थाल सजाकर,
सुगना बाई आयी,
बेनड रे नैना माई ओ,
बेनड रे नैना माई नीर ढले,
बोल्या बाबा रामदेव जी,
बेनड बात बतावे,
शुभ वेला मे सुगना कैया,
आंसूडा ढलकावे,
साची साची बात बताओ जी,
ओ म्हाने साची साची बात बताओ जी,
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
