चालो रे चालो चालो रामदेव रे,
बाबा रामदेव रे दरबार।
दोहा – रूनीचा में धाम बाबे रो,
लोग दूर सु आवे,
भगतो रा दुख दूर करे,
बाबो परचो तुरंत दिखावे।
चालोजी चालो चालों रामदेवरे,
ओ धोरां माई राज करे है,
पूरन सबरा काज करे है,
पल पल दिखावे चमत्कार,
अरे चालो रे बाबा रामदेव रे दरबार।।
अरे तंवर वंश में चमक्यो तारो,
मरूधर को उद्धार कियो,
अरे नाथ द्वारिका धाम सु आया,
अजमल घर अवतार लियो,
भेदभाव रा भरम मिटाया,
रामदेव युग पुरूष कहाया,
भरवा तो लाग्यो भण्डार,
भाईडा ओ चालो चालो बाबा रे दरबार।।
बनीयो विशाल समाधि मन्दिर,
धोली ध्वजा लहरावे है,
शंख नगाडा बाजे तंदूरा,
जगमग ज्योत जगावे है,
मास भादवे भरे हैं मेलो,
भगता रो आवे है रेलो,
होवे है जय जयकार,
भक्ती भाव सु राजी होवे,
रामापीर निराला जी,
पल में सुने अरज भगत री,
राम रणुजे वाला रे,
राम रणुजे वाला जी,
सुनो साथीडा आयो बुलावो,
अब न मत थे देर लगावो,
‘गोपालो’ करे मनवार,
चालो रे चालों चालो रामदेवरे,
गायक – इन्द्र शर्मा जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
