चालो सखीया नगर भादरिया माय,
आयल माता रा परचा जोर रा ओ राज,
भाटी कुल री कहिजो थेतो मात,
थारी महिमा है घणी जोर री ओ माँ,
भादरिया री राय करे बलद री गाय,
शरने आयो री करे सहायता ओ माँ,
भादरिया मे मोटो बनीयो धाम,
गौशाला री महिमा अपरंपार,
दूध दही थे माखन खावजो ओ राज,
लाईब्रेरी है विश्व नंबर दोय,
भादरिया माताजी रे चरने आवियो ओ राज,
चारो वेद मिले इनरे माय,
भादरिया जावे वो सुख पावसी ओ राज,
सौरभ कंवर थारा ही गुण गाय,
दलपत सिंह भाटी ने चरना राखजो ओ माँ,
भादरिया महाराज भगत रे साथ,
आयोडा भगता री लजीया राखता ओ राज,
मापर करजो माताजी थे सहाय,
थारा टाबरिया आया आपरे ओ राज,
सातु बहना आवो थेतो साथ,
आठवा भाई ने साथे लावजो ओ राज,
दुनिया थारी जोवे माता बाट,
भादरिया माता री करता आरती ओ राज,
आवरा जी सांगीया जी साथ,
भादरिया तनोट राय साथ मे ओ राज,
तेम्बडा काली डूंगरी साथ,
आईनाथ जी साथ मे ओ राज,
कोई आई नाथ जी साथ मे ओ राज।।
मामडीया जी वचन दिना आप,
हिन्गलाज आवरा बनगी मावडी ए माँ,
आयी द्वारे आवरा माता आप,
भाटी कुल मे तो परचा देवीया ए माँ,
भादरिया मायने परचा देवीया ओ माँ।।
दलपत सिंह भाटी चरना माय,
गाँव बालोतरा रेवे आपरो ए माँ,
कोई भादरिया माता ने मनावे आपरो ए माँ,
बनीयो थारो मन्दिर घर में जोर,
सिंह सवारी माता आवजो ए माँ,
बालोतरा सु आवे एतो आज,
भादरिया आयल माँ रे बारने ओ राज,
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
