थे मोटा दातार रामदेव,
सारो जग बिख्यारी हैं,
हाथ जोडकर धणीया थाने,
चरना अरज ऊजारी है,
जय हो बाबा जय हो बाबा,
जय हो रामा धणी,
म्हारी आस पूरा दे,
बाबा म्हारी भी आस पूरा दे।।
अजमलजी रा कंवर लाडला,
मैणादे माँ थारी है,
रूनीचे रा रामदेवजी,
विष्णु रा अवतारी है,
अजमलजी ने वचन दिरायो,
कुंकुम पगल्या आया है,
मैणादे ने परचो दीनो,
उपनीयो दूध ढबायो है,
दरजी ने परचो दिखलायो,
जाने दुनिया सारी है,
घोड़ा ने आकाश उडायो,
बाबो लीला धारी है,
भेरूडा राक्षस ने बाबो,
पाताला मे दबायो,
दुष्टी ने पछाड बाबो,
रूनीचो है बसायो,
समंदरीया मे बोयता री,
बाबो जहाज़ ऊबारी है,
बिन्जारा री मिसरी ने बाबो,
पल में करदी खारी है,
सुगना रा भानु ने बाबो,
जीवन दान दिरायो है,
पीरा ने परचो दिखला कर,
हिन्दुवा पीर कहायो है,
जात पात रो भेद मिटायो,
निकलंक नेजाधारी है,
भगता री रूनीचा वालो,
मेटे कष्ट बिमारी है,
कैलाश दान पर किरपा करदे,
एकर दर्शन दिखलादे,
सब भगता री खाली झोली,
अलख धणी तू भरवादे,
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
