देवी आओ नागाणा री राय,
अरजी सुनलो,
देवी आवो नागाणा री राय,
अरजी सुनजो,
म्हारी नैया लगादो पार,
हेलो सुनलो,
म्हारी नैया लगा दीजो पार,
आ अटकी भंवर बीच आयने,
तारो जी ओ जी।।
देवी भवसागर भरपूर,
हिलोरा खावे,
देवी थां बिन कुण म्हाने आय,
पार लगावे,
आ अटकी भंवर बीच,
आयने तारो जी ओ जी।।
देवी अबला करे पुकार,
आय ऊबारो,
म्हारो डूब रयो भरतार,
मायड़ तारो,
माडी साथे नेना बाल,
दया विचारो,
म्हारी डगमग डोले नाव,
दूर किनारो,
अबला रो सुहाग बचाव,
भगत माँ थारो,
मै आवु थारे द्वार,
हेलो सुन म्हारो,
देवी सुता भंवर रे माय,
पलक उगाडी,
भगतो रे चढगी वार,
नैया तारी,
अरे अर्जुन दोय कर जोड,
भजन गावे थारो,
भगता ने भवजल पार,
गायक – प्रकाश माली जी सोनू जोशी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
