नाम ले लो नारायण को पुण्य कमालो जीवन को
नाम ले लो नारायण को,
दोहा – दुनिया माहीं आने की,
तुने हरि से करी अरदास,
बाहर आकर तोड़ दिया,
भगवत का विश्वास।
पुण्य कमालो जीवन को,
बिन नैया वे जावे भव से पार,
साथिड़ा ओ,
झुठी दुनिया माहीं फसगियां,
हरि नाम ने लेता ढ़बगियां,
गर्भा माहीं होगन खागियां,
बाहर निकल दुजा बणगियां,
मत कर काम बुराई को,
झुठ जाल में चालण लागो,
पापिड़ा के संग में लागो,
दुनिया जरबां खावण लागो,
उल्टे गेले चालण लागो,
कर लो काम भलाई को,
मूंगा मोला जन्म पायो,
चौरासी में भटकत आयो,
समझो भाया बात गुरु की,
केवे भाया बात लेणकी,
केणो मान गुराई को,
दुनिया दारी छोड़ चालणो,
पुण्य करम ही साथे जावणो,
यम ने लेखो जाय देवणो,
‘रतन’ करले किशन केणो,
छोड़ करम खोटाई को,
गायक व रचना – पं. रतनलाल प्रजापति।
सहयोगी – श्रीप्रजापति मण्डल चौगांवडी़।
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
