20
॥ श्री ॥
निन्दीया करे रे जाने करवा दो,
राम भजे रे वाने भजवा दो,
अरे बुराया करे रे जाने करवा दो,
ए पुष्कर जी पेडी माने नावन दो,
राम झकोलो माने लेवा दो,
अरे पुष्कर जी पेडी माने नावन दो,
ऊंचा ऊंचा महल अधर झरोखा,
अरे रपट पडे रे जाने पडवा दो,
पुष्कर जी पेडी माने नावन दो,
राम झकोलो बीरा मारा लेवन दो।।
ऊंडा ऊंडा नीर अथंग जल भरीया,
डूब मरे रे वाने मरवा दो,
नुगरा रे सुगरा सतसंग माई आवे,
नुगरा ने अलगो बलवा दो,
कोयल बोले प्रभुजी मीठी मीठी वाणी,
कोयल बोले मीठी मीठी वाणी,
कागला उडे तो पचे उडवा दो,
हाथी तो चाले अपनी मगन मे,
कुत्ता भूसे रे वाने भूसवा दो,
बाई मीरा केवे प्रभु गिरधर नागर,
रामजी रो नाम माने लेवन दो,
गायक – प्रकाश माली जी।
प्रेषक – मनीष सीरवी
॥ जय हो ॥
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
Sponsored
Devotional partner
