पिछम री धरती सु मारो,
आलम राजा आवे जी,
पिछम धरा सु मारो,
अनेक राजा आवे,
भगता रो भिड़ु आवे,
बाबा रामदेवजी आवे,
ओ धोली ध्वजा फरूकावे,
रामाधनीया जियो,
धोली ध्वजा फरूकावे,
ए लीले छतरी वालो,
ए धोली ध्वजा वालो,
ए लीले घोडे वालो,
रामदेव जियो।।
पेलो पेलो परचो पिता,
अजमल जी दिनो जी,
अरे कुंकुम रा पगल्या मंडाया,
ए पिछरंग बागे वालो,
भगता रो राम रूकालो,
ए दुष्टा ने मारनवालो,
अरे दूजो दूजो परचो माता,
मैणादे ने दिनो ओ,
अरे ऊपनतोडो दूध डबायो,
अरे तीजो तीजो परचो रूपा,
दरजीजी ने दिनो जी,
अरे कपड़े रो घोडल्यो उडायो,
अरे चौथो चौथो परचो लाखु,
बिन्जारा दिनो जी,
अरे मीसरी रो लूण बनायो,
अरे पाचवो तो परचो पाचु,
पीरा ने दिनो जी,
अरे मक्का सु कटोरा मंगाया,
अरे छठो छठो परचो बाई,
सुगना ने दिनो जी,
अरे मरीयोडा भानु ने जीवायो,
अरे सातवो तो परचो सेठ,
मोहिता ने दिनो जी,
अरे समंदा सु जहाज़ तिराई,
अरे हरी रे चरणों में भाटी,
हरजी यु बोल्या जी,
मारे बाने री लजीया राखो,
स्वर – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
