मिन्दर रो आडो थे तो खोलदो पुजारी भेरुजी
मिन्दर रो आडो थे तो खोलदो पुजारी,
दर्शन करवा रो म्हारो नेम जे ए हा,
फुलडा चढावु चरना मायने पुजारी,
अरे सेवा करनो म्हारो नेम जे ए हा।।
अरे सोनाला काकड़ मे बनीयो देवरो भेरूजी,
अरे निवन करे है नर नार जे ए हा,
निवन करे है नर नार जे ए हा।।
आया भगतो रा टोला आपरे भेरूजी,
अरे धोक लगावन चरना माय जे ए हा,
अरे तेल चढावु थारे बाकला भेरूजी,
अरे चाढु चाढु लीलडीया नारेल जे ए हा,
चाढु चाढु लीलडीया नारेल जे ए हा।।
अरे दिवला करू मै थारे देवरे भेरूजी,
अरे ज्योत जगावु थारे द्वार जे ए हा,
ज्योत जगावु थारे द्वार जे ए हा।।
अरे रमेश भण्डारी री सुनजो विनती भेरूजी,
अरे प्रकाश ने राखो चरना माय जे ए हा,
प्रकाश ने राखो चरना माय जे ए हा।।
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
