मौज उडावा हाँ श्याम
होली और दिवाली तो मैं,
रोज मनावा हाँ,
जदस्यु कृपा होगी सांवरिया की,
मौज उडावा हाँ,
जदस्यु कृपा होगी सांवरिया की,
मै मौज उडावा हा।।
श्याम नाम गुण गाकर,
सगला काम बनावा हा
पड़े जरूर बाबा ने,
आवाज लगावा हा,
रे म्हारा संकट कांटे सांवरियो
मै मौज उडावा हा।।
पल पल की म्हारी रखे खबरिया,
म्हारो बाबो श्याम,
के करणों के ना करणों,
यो जाने इनरो काम,
रे म्हापे निजरा राखे सांवरियो
मै मौज उडावा हा।।
म्हारे सेठ सो ई दुनिया में,
ना कोई दूजो और,
यो ही म्हारे घर को मालिक,
इनपे म्हारो जोर,
ओ म्हारी करे रुखाली संवारियो,
मै मौज उडावा हा।।
के चाहवा के ना चाहवा,
बिन बोले जाने है,
योगी के हर एक आसू को,
मोल पहचाने है,
रे म्हारी चिंता राखे संवारियों,
मै मौज उडावा हा।।
होली और दिवाली तो मैं,
रोज मनावा हा,
जदस्यु कृपा होगी सांवरिया की,
मौज उडावा हा,
जदस्यु कृपा होगी सांवरिया की,
मै मौज उडावा हा।।
Singer – Namrata Karwa
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
