म्हारे पालनीयो हुलराय म्हारी माँ माजीसा भजन
म्हारे पालनीयो हुलराय म्हारी माँ,
दोहा – जसोल गढ़ रे मायने,
ओर माजीसा रो धाम,
जो कोई मन सु सुमरसी,
माँ बेडा करसी पार।
म्हारे पालनीयो हुलरा,
पालनीया रे खातिर मै तो,
पैदल थारे आवु माँ,
तर्ज – म्हने घोड़लियो मंगवा।
अरे दुखीया रा दुख दूर करो माँ,
थारे चरने आयो,
बांजनीया ने बेटो देवो ओतो,
कलंक मिटावो,
जैसलमेर री माँ भटियाणी ओ,
जैसलमेर री माँ भटियाणी,
नेणो बाल दिराव म्हारी माँ,
अरे मेहन्दी ओर मजीज माता,
बारस रा लगावु,
घेर गुमालो पेरू घागरो,
थारे द्वारे आवु,
अरे तेरस रे दिन रात जगावु ओ,
तेरस रे दिन रात जगावु,
थारे चरने आवु माँ,
पीलो तो ओरनो माता,
थारे नाम रो ओडु,
अरे टिकी ओर सुरमो माता,
थारे नाम रो सारू,
अरे जसोल री धणीयाणी माता ओ,
जसोल री धणीयाणी माता,
दर्शन म्हाने आज दिखा,
अरे ढोल नगाडा नोपत बाजे,
नर नारी सब नाचे,
अरे झालर री झनकार बाजे,
भटियल माँ रे आगे,
जैसाणा री राय भवानी ओ,
जैसाणा री राय भवानी,
हेलो सुनती वेगी आव,
‘घेवर माली’ करे विनती,
द्वारे थारे आयो,
बालोतरा रो होय निवासी,
भजन थारो बनायो,
अरे भोपारामजी ने चरना मे राखो,
ओ भोपारामजी ने चरना मे राखो,
चरना शिश निवाय,
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
