म्हारे रूनीचे रा श्याम ऊबा रेजो रामदेवजी भजन
म्हारे रूनीचे रा श्याम ऊबा रेजो,
दोहा – रामा कहु के रामदेव,
हिरा कहु के लाल,
ज्याने मिलीया रामदेव,
किना पल मे निहाल।
अरे दौड़ू तो पोचु कोनी रे,
छेटी पडगी नाथ ऊबा रेजो,
ए मारे रूनीचे रा श्याम ऊबा रेजो,
ए मारे भगतो रा आधार ऊबा रेजो,
ए सुगना बाई रा बीर ऊबा रेजो,
ए मैणादे रा लाल हवले हालो रे ओ जी।।
थारे भजन रे कारणे सावरिया लाल,
छोड्यो जग संसार ऊबा रेजो,
ए मारे सुगना बाई रा बीर ऊबा रेजो,
ए रानी नेतल रा भरतार ऊबा रेजो,
ओ मैणादे रा लाल हवले हालो रे ए हा।।
अरे थारोडे भजन रेे कारणे सावरिया लाल,
छोड्या मायर बाप ऊबा रेजो,
अरे मारा बिटुजे रा श्याम ऊबा रेजो,
अरे सुगना बाई रा बीर हवले हालो रे ए हा।।
छोड्यो सहेलियों रो साथ ऊबा रेजो,
अरे मारे रूनीचे रा श्याम ऊबा रेजो,
अरे सुगना बाई रा बीर ऊबा रेजो,
अरे मैणादे रा लाल हवले हालो रे ए हा।।
अरे आपरे भजन रे कारणे सावरिया लाल,
छोड्या अन्न ने पान ऊबा रेजो,
अरे लीला घोडा रा असवार ऊबा रेजो,
थे हो निकलंक नेजा धार ऊबा रेजो,
रानी नेतल रा भरतार ऊबा रेजो,
अरे रूनीचे रा श्याम हवले हालो रे ए हा।।
मे तो फेरीया धवला वेश ऊबा रेजो,
ओ तो भोपन आवे लार ऊबा रेजो,
मेनाघर आवे लार ऊबा रेजो,
लीले घोडे रा असवार ऊबा रेजो,
मैणादे रा लाल हवले हालो रे ए हा।।
अरे डाली बाई री विनती,
थे सुनोनी रूनीचे रा राज ऊबा रेजो,
थे हो भगतो रा आधार ऊबा रेजो,
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
