रतनो राइको बाबा पड़ियो कैद में
20
॥ श्री ॥
रतनो राइको बाबा,
पड़ियो कैद में,
बाबा ने अर्ज गुजारी रे,
म्हारो राम रूखालो।।
हुक्म दियो जद तुरन्त सिधायो,
बाई सुगणा ने लेवण आयो,
ओतो टोडड़ली ने दौड़ाई रे,
पणघट पर पणिहारीया बरज्यो,
मैं अड़ियल कोई गढ़ में बड़गियों,
कु कु रे पत्री दिखाई रे,
नाम सुण्यो जद कैद में डालयो,
रतनों केवे बाबा बेगा आज्यो,
भेजा रे मार खवाई रे,
भूखों रे तिरसो रोवण लागो,
बाबा रामदे सुता जागो,
आटे सुगणा ने किंयू परणाई रे,
सुगणा के सासु समजाओ,
रतना राइका ने मत ना सताओ,
बाबो मेट देवेला करडाई रे,
रतना राईका रे बाबा आवे,
रत्नों दौड़ चरणा में जावे,
बाबा भगता री लाज बचाई रे,
रामदेव मंडल प्रेम बढ़ावे,
मोहनझाला भजन बणावे,
ओ तो नेनु रे गाय सुणावै रे,
गायक – नेनसा देवासी।
॥ जय हो ॥
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
Sponsored
Devotional partner
