हर हर हर महादेव,
बोलो हर हर हर महादेव,
राणो शिव रो धरीयो ध्यान,
कर लिया मन ही मन गुणगान,
कर लिया मन ही मन गुण गान,
बोलो रे भाई हर हर हर महादेव।।
युद्ध री सगला करे तैयारी,
ले शंकर रो नाम,
जिनरे साथे शिव शंकर हो,
अटके नी उनरो काम,
ओ उनरी कदेनी होवे हार,
उनरा होवे बेडा पार,
उनरी कदेनी होवे हार,
घोडलीया सिन्गारे सगला,
उन पर नाके झीण,
सिरदारा रे साथे चालीया,
युद्ध करवा ने भील,
ओ लिना हाथा मे तलवार,
लिना अबके मनडा धार,
लिना हाथा तीर तलवार,
कर पूजा शिवजी री उठीया,
मेवाड़ी मतवालो,
कवच पहन हाथा मे लिनो,
सवा मनी रो भालो,
ओ रानी बोले सुनो भरतार,
आजो मुगला ने थे मार,
रानी बोले सुनो भरतार,
आरती उतारे राणा री,
विदा करे महारानी,
कंवर अमर सिंह देख रया है,
तिलक करे महारानी,
ओ कमर कसी दो दो तलवार,
हो गया चेतक पर असवार,
कमर कसी दो दो तलवार,
ओ राणो शिव रो धरीयो ध्यान,
गायक – महेंद्र सिंह जी राठौर।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
