रामाजी गुडा में जागी जगमग जोत,
दोहा – जगमग जोता जागती,
रामाजी गुडा रे धाम,
कलजुग मे पुरबजी देवता,
ए सारे भगतो रा काज।
पुरबजी रामाजी गुडा मे जागी जगमग जोत,
ए दूर देशारा आवे जातरू ओ राज।।
ए आवे आवे बालक ने नर नार,
पुरबजी आवे आवे बालक ने नर नार,
आयोडा भगतो ने शरने राखजो ओ राज,
अरे आयोडा भगतो ने शरने राखजो ओ राज।।
ए बाजे बाजे ढोल नगाडा आज,
पुरबजी बाजे बाजे ढोल नगाडा आज,
अरे ढोलो रे ढमाके रमता आवजो ओ राज,
आवो आवो भरी सभा रे माय,
पुरबजी आवो आवो भरी सभा रे माय,
अरे पांच रे बहनों री सुनजो विनती ओ राज,
अरे थोरे बेटो री सुनजो विनती ओ राज।।
अरे आप आया चैत्रवा री मास,
पुरबजी आप आया चैत्रवा री मास,
अरे चैत्र री बारस रो जमलो आप रो ओ राज,
अरे चैत्र री बारस रो जमलो जोर ओ राज।।
अरे बाजे बाजे ढोल नगाडा आज,
अरे ढोलो रे ढमाके वेगा आवजो हो राज,
अरे कोटवाल थोरा आशारामजी आज,
आयोडा भगतो ने दर्शन देवता हो राज,
अरे आयोडा भगतो ने दर्शन देवता हो राज।।
अरे खेलो खेलो बारस वाली रात,
पुरबजी खेलो खेलो बारस वाली रात,
अरे थोरा भगतो ने दर्शन देवजो हो राज,
अरे भगतो रे बुलाया वेगा आवजो हो राज।।
अरे आपरो मेलो लागे रामाजी गुडा रे माय,
पुरबजी मेलो लागे रामाजी गुडा रे माय,
ए अरे महिमा गावु रामाजी गुडा रे माय,
महिमा गावु रामाजी गुडा रे माय,
अरे शरने आया ने होरा राखजो हो राज,
ए शैतान सिंहजी दुदौड चरना माय,
पुरबजी शैतान सिंहजी दुदौड चरना माय,
अरे दास रे कन्हैयो गावे भाव सु हो राज,
गायक – संत कन्हैयालाल जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
