20
॥ श्री ॥
वा वा रे बजरंगी बाला बडो बलकारी रे
बाली बस में मनड़ो मछलियो ,
कूद कर अम्बर में उतरियो
औजी कासब को तू भांड निगलियो
ऐसो बलकारी रे
वा वा रे बजरंगी
पाणी में पाताळ तिरायो
भाई लक्मण को प्राण बचाओ
औजी झगड़ा सु जीत लायो
रघुवर धारी रे,
करजो रे हनुमान हटिला
रावण का बंद करदीना ठिला
ओजी तोड़े बिना लश्कर किला
मारी औ बिलकारी रे
बाज्यो रे भारत में भंगड़
लायो रे लस्कर ने लंगर
औ तो है जबर ने जंगल
रण को खिलाडी रे
बात है राघव ही थारी
सदा शिव शक्ति लारे
करले जो मन में धारे
ऐसो बलधारी रे। वा वा रे बजरंगी
केवे भैरव तू रुद्र कैवायो
भगता को भीड़ चढ़ आयो
ओजी माँ जामण को दूध लजायो
बाल ब्रह्म चारी रे। वा वा रे बजरंगी
॥ जय हो ॥
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
Sponsored
Devotional partner
