सुतो राणो सुखभर नींद मेवाड़ी राणा ओ
सुतो राणो सुखभर नींद,
मेवाड़ी राणा ओ,
सुता राणा ने सपनो आवियो,
सुतोडा राणा ने सपनो आवियो।।
आयो आयो आल जंजाल,
मीरा ने देखी रे भगवा वेश में,
मीरा ने देखी रे भगवा वेश में ओ,
उठो साथी कर सरीया सिनगार,
अरे उठो साथी कर सरीया सिनगार,
परभाता जानो रे मीरा रे देश में,
कसीया कसीया पीतलीया पिलान,
दिनडो उगायो मीरा रे देश में,
सामी मिलीयो गाया रो ग्वाल,
रस्तो बतादेे मीरा रे देश रो,
अरे डावी डांडी झालापुर मे जाय,
डावी डांडी झालापुर मे जाय,
जीमणो जासी रे मीरा रे मेडते,
सामी मिलगी पानी री पनिहार,
घर तो बतादेे मीरा रे बाप रो,
अरे सूरज सामी दुदाजी री पोल,
अरे केली जबुके मीरा रे बारने,
केली जबुके मीरा रे बारने,
सामी मिलगी सादा री जमात,
बीच में मेडतनी आवे नाचती,
अरे हाथ ही बजावे मृदंग ताल,
हाथ ही बजावे मृदंग ताल,
पग मे बजावे मीरा पायला,
गावे गावे मदन गोपाल,
मुख सु बजावे मीरा बांसुरी,
अरे आयगी आयगी राणाजी ने रिश,
आयी आयी राणाजी ने रिश,
काड खडक राणो कोपीयो,
हो गई हो गई एकन री हजार,
किसविद मीरा ने राणो मार सी,
अरे मोडो जागीयो मूर्ख गिवार,
मोडो जागीयो मूर्ख गिवार,
पेला जागतो तो स्वर्गा ले जावती,
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
