आवणो पड़ेला माताजी आवणो पड़ेला,
दोहा – भेरू लाजो साथ में,
ने चौसठ जोगनीया साथ,
रमवा आओ आंगने,
मारी जगदम्बा मम मात।
सुन्धा भाकर ती सुन्धा माताजी पधारो,
लटीयाला भेरू ने संग मे लावना पडेला जी,
लटीयाला भेरू ने संग मे लावना पडेला,
आज री भगती मे दर्शन देवना पडेला,
भगती मे दर्शन मैया देवना पडेला।।
अरे नगर नाडोल माता आशापुरा आवो,
नगर नाडोल माता आशापुरा आवो,
मुछाला भेरू ने संग मे लावना पडेला,
आज री जागण मे मैया आवणो पडेला,
भगता ने दर्शन मैया देवना पडेला,
भगता रा कारज मैया सारना पडेला।।
नगर सादडी री माता ब्राह्मणी पधारो,
सोनाला खेतल ने संग मे लावना पडेला,
सोनाला भेरू ने संग मे लावना पडेला,
आज री भगती मे मैया आवणो पडेला।।
नागाणा धनीयाणी माता नागणेच्या आवो,
मंडोवर भेरू ने संग मे लावना पडेला,
आवणो पडेला मैया आवणो पडेला,
मुण्डारा धनीयाणी माता चामुण्डा जी आवो,
ए काला गोरा भेरू ने संग मे लावना पडेला,
काला गोरा भेरू ने संग मे लावना पडेला,
ए माली रे रमेश मैया भजन सुनावे,
माली रमेश माताजी रा भजन सुनावे,
ए भगता ने दर्शन मैया देवना पडेला,
शरणो मे भगतो ने होरा राखना पडेला,
गायक – महेंद्र सिंह जी राठौर।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
