आवो रणुजे रा राजा,
थारे नवखंड बाजे बाजा,
अरे आओ रणुजे रा राजा,
अरे देखो देवलिया री शोभा,
धणी घोडला घनेरा ऊबा,
थारे दर्शन री बलिहारी,
थाने निवन करे नर नारी।।
थे मास भादवे आया,
भगतो रो मान बढाया,
अरे मास भादवे आया,
थे बीज चांदनी आया,
कोई आओ रणुजे रा राजा,
अजमलजी रे आया,
कुंकुम रा चरन मंडाया,
धणी पालनीये पोडाया,
माँ मैणादे आया,
उपनतो दूध ढबाया,
माता ने परचा पाया,
रूपा दरजी रे आया,
कपडा रो घोडो उडाया,
दरजी ने परचा पाया,
लाखु बिन्जारा रे आया,
मिसरी रो लून बनाया,
बन्जारे परचा पाया,
साचे मन सु ध्याया,
सबरा कष्ट मिटाया,
अरे सबरा कष्ट मिटाया,
मेलो रणुजे भरवाया,
बाबा बार बार बलिहारी,
अरे निवन करे नर नारी,
बाबा आवे दुनिया सारी,
हरी चरने भाटी गावे,
चरनो मे शिश निवावे,
बाबा निज नाम ने ध्यावे,
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
