ओ रुणिचे रा राजा धोरा धरती में सुन्दर देवरो
ओ रुणिचे रा राजा,
धोरा धरती में सुन्दर देवरो,
धोरा धरती में सुन्दर धाम बण्यो,
रुणिचे रा राजा,
अरे निलो घोडो नवल को ज्यारे,
मोतिया जडी रे लगाम,
अरे जिण पर बेठा रामदेव जी,
कलयुग रा अवतार जी,
हे रामा कहुं के रामदेव जी,
हीरा कहुं के लाल,
अरे ज्याने मिलिया रामदेव जी,
पल में किन्हा निहाल जी,
अरे हरजी ने तो हर मिल्या जी,
आडे मारग आय,
हो प्रभु घुमण ने घोडो दियो जी,
दुध पिवण ने गाय जी,
अरे पिछम धरा रा बावजी रे,
म्हारा रामाराज कंवार,
सांचा मन सुं जो कोई ध्यावे,
पुरे मन री आश जी,
हो रामा सामा आवजो रे,
कलयुग भयो रे करुर,
अरज करुं अजमाल रा जी,
हैलो सांभलो हुजुर जी.
अरे हरजी भाटी री विणती जी,
सुणजो रामा कंवार,
दर्शण दिजो किरपा किजो हे,
मोटा थे दातार जी,
स्वर – भगवत सुथार।
प्रेषक – नारायण रेगर,
फोन नंबर – 9549365704
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
