नेता खावे धन प्रजा रो,
वाने कुण वरजे रे,
अरे नेता खावे धन प्रजा रो,
हे बाड खेत ने खावन लागी,
बढी अनीति रे,
के भारत मायने,
अरे बाड खेत ने खावन लागी,
जियो जियो के भारत मायने,
ओ भ्रष्ट हो गयो राज सारो रे,
ए हे वोट तो करावो नेता,
राम माते राखीजो,
अरे वोट तो करावो नेता,
राम माते राखो रे,
ए रावण बनने जनता रे,
लारे मत लागो रे,
अरे रावण बनने जनता रे,
जियो जियो रे भारत मायने,
आ राम कृष्ण री धरती प्यारी रे,
ए हे राशन कार्ड पट्टो बनावो,
नकल खेत री निकालो रे,
अरे राशन कार्ड पट्टो बनावो,
ए पैसो देवो काम हो जावे,
नही तर भटको रे,
के दफ्तर मायने,
अरे पैसो देवो काम हो जावे,
जियो जियो अफसरा लार रे,
जनता रो भाई कुण रखवालो रे,
ए हे साची बाता केवे कोई,
उनरी जांच बैठावे रे,
अरे साची बाता केवे कोई,
अरे उल्टा चोर कोतवाल डाटे,
कुण समझावे रे,
अरे अरे उल्टा चोर कोतवाल डाटे,
ए अन्ना हजारे सही समझावे रे,
ए हे सरकारी खजानों खावे,
लाज शर्म नहीं आवे रे,
अरे सरकारी खजानों खावे,
ए बोरा भर रूपीयो री गादी,
तकीया लगावे रे,
के नेता आपना,
अरे बोरा भर रूपीयो री गादी,
जियो जियो के नेता आपना,
नेताजी थोडो राम राखो रे,
ए हे वोट दे जीतावे जनता,
बाता ठोके मोटी रे,
अरे वोट दे जीतावे जनता,
ए कुर्सी माते बैठ भूल्या,
कसमा सारी रे,
अरे कुर्सी माते बैठ भूल्या,
ज्याने पाँच साल रो राज मिलीयो रे,
ए हे पाताला मे पुगो पानी,
भूंडा हाल करसा रे,
अरे पाताला मे पुगो पानी,
ए इन्द्र रूटीयो धरती सु,
कुण सार लेवे रे,
के मरूधर मायने,
अरे इन्द्र रूटीयो धरती सु,
जियो जियो रे मरूधर मायने,
गौ माता बैठी भूखी प्यासी रे,
ए हे धर्म कर्म मिटीयो दुनिया सु,
गली गली में रावण रे,
अरे धर्म कर्म मिटीयो दुनिया सु,
ए भाई भाई रो वैरी बनगो,
छायो आतंक रे,
अरे भाई भाई रो वैरी बनगो,
ओ संसद माते हमलो होवे रे,
ए हे आवो भाया भ्रष्टाचार री,
होली आज जलावा रे,
अरे आवो भाया भ्रष्टाचार री,
ए देश प्रेम री बात चोरा ने,
मिल समझावा रे,
के चेतो राखजो,
अरे देश प्रेम री बात चोरा ने,
जियो जियो के चेतो राखजो,
नव भारत रो निर्माण करावा रे,
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
