बाबो अवतारी,
बाबो भगता रो रखवालो,
म्हारो राम रूनीचा वालो,
ओतो अजमलजी रो लालो,
बाबों अवतारी हो ओ,
अजमलजी ने वचन दिरायो हो ओ,
अजमलजी ने वचन दिरायो,
लालो कुंकुम पगल्या आयो,
उपनतोडो दूध ढबायो,
परचो दरजी ने दिखलायो,
घोडो कपडा रो उडायो,
सारा जग ने अचरज आयो,
भेरूडा ने सबक सिखायो हो ओ,
भेरूडा ने सब सिखायो,
उनने पाताला पहुंचायो,
पापीडा रो अंत करायो,
लाखु मन में खोट विचारी,
बाबो मिसरी करदी खारी,
पड्यो चरना आय धणी री,
डूबत सेठ बोयतो पुकार्यो हो ओ,
डूबत सेठ बोयता पुकार्यो,
बाबो बैठो हाथ पसारीया,
डूबत बेडो पार लगायो,
रामा अमरकोट मे आया,
आपो आप बाग हर आया,
नेतलदे ने पाँव दिराया,
सुगना बाई रा कष्ट मिटाया हो ओ,
सुगना बाई रा कष्ट मिटाया,
एक चमत्कार दिखलाया,
मरीया भानु ने जिवाया,
पाँचो पीर परखने आया,
बर्तन मक्का सु मंगवाया,
पीरा रा पीर कहाया,
छाई हेजा री बिमारी हो ओ,
छाई हेजा री बिमारी,
बाबो सेवा करे दुनिया री,
मेटी दुविधा निज भगता री,
बाबो निकलंक नेजाधारी,
धोली ध्वजा फरूके भारी,
बाबो लीले री सवारी,
द्वारे जगमग ज्योता जागे हो ओ,
द्वारे जगमग ज्योता जागे,
दर्शन करीया किसमत जागे,
मेलो भादरवा मे लागे,
थारी सेवक डाली बाई,
हरजी हाजिर माई,
समाधि रूनीचा रे माई,
धारू के घर जमो जगायो हो ओ,
धारू के घर जमो जगायो,
रानी रूपा ध्यान लगायो,
थाली माई बाग लगायो,
दल्ला सेठ री जान बचाई,
जैसल डाकू ने परचो दिखाई,
ऊबो हाजिर भगता ताई,
रूनीचो चमके धोरां माई हो ओ,
रूनीचो चमके धोरां माई,
शोभा जुगडा मे सरसाई,
थारी महिमा सब जग गाई,
म्हाने अपना टाबर जाण,
दीजो भगती रो वरदान,
थारो सेवक कैलाश दान,
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
