बालम काना में गूंजे है म्हारे हेलो श्याम को
बालम काना में गूंजे है,
म्हारे हेलो श्याम को,
इबके म्हाने भी ले चालो,
आयो मेलो श्याम को,
सजनी दोरों घणो लागे,
म्हानें गेलों श्याम को,
कईयां जावां कोनी छुट्टे,
यो झमेलो काम को,
तड़का उठता ही बालम,
म्हाने हिचकी आवे,
संध्या यू लागे सांवरियों,
बांसुरी बजावे,
सोवां रात में तो सपनों,
आवे खाटू धाम को,
कहिजे थारे सांवरिया ने,
विनती म्हारी खास,
फागण के महीने हो,
सरकारी अवकाश,
आ जावे मनीआर्डर घर पे,
बैठ्यों म्हारे नाम को,
टेडा सु ठटाई बालम,
चौकी कोनी लागे,
म्हारे सुख के खातिर बाबो,
रात रात भर जागे,
बिन मांग्यां भंडारा भर दे,
ऐसो दर है श्याम को,
खाटू वाले श्याम जी के,
जाईवां द्यों,
मनड़े थी आस ने,
पुराईवा द्यों,
चालो गोरी आपां दोनूं,
चालां खाटूधाम,
मन की बातां जाणे बाबो,
बोलण को के काम,
‘गोलू’ छोड़ सारो झमेलो,
नाम लेवां श्याम को।।
देखी थारी सकलाई जी,
खाटू वाला श्याम,
दर्श तुरंत ही वो पावे,
जो लेवे थारो नाम।।
गायक – विवेक शर्मा ‘जीतू’।
प्रेषक – किशन लाल तेली।
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
