कर गयो अमर नाम चेतक इतिहास मायने
कर गयो अमर नाम चेतक,
इतिहास मायने,
हियो भर आवे चेतक,
देखु थारी लाश ने,
अरे झूर झूर रोवे राणो,
पलका तू खोल रे,
काई होयो चेतक मारा,
मुखडे तू बोल रे,
थारोडे बदले में देतो मारोडी जान ने,
थारोडे बदले में देतो मारोडी जान रे,
छाती भर आवे चेतक,
रण में बढायो चेतक,
मेवाडी मान रे,
किया भूलादू चेतक,
थारोडो अहसान रे,
ओ याद करेली दुनिया,
स्वामी भक्त दास ने,
धीन धीन मेवाडी माटी,
धीन जामण जाई रे,
बेरया री चाला थारी,
धूल चटाई रे,
पवन री वेग सु तू,
उडतो आकाश मे,
इतरो लिख्यो विधाता,
थारो मारो सीर रे,
थाने तो जान्यो चेतक,
मायड़ जायो बीर रे,
सह लिया तीर भाला,
देख्या न आंसू आँख में,
अरे गावे है नागौरी महिमा,
जस्सी लिख देवे रे,
बोल बोल बाता थारी,
हल्दी घाटी केवे रे,
हरली बात राणो,
चेतक घोडे खास रो,
गायक – अनिल नागौरी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
