तेरे आगे न्यूं रोऊं तुं ही तो मेरा स
तेरे आगे न्यूं रोऊं,
तुं ही तो मेरा स,
बालाजी भगवान मेरे,
मन्नै दिल तं टेरया स।।
कहां से ल्याऊं देशी घी मैं,
तेरी जोत जगावण ने,
कहां से ल्याऊं बणा चुरमा,
बाबा तन्नै खुवावण ने,
ना पैसे अर्जी लावण ने,
टोटे का डेरा स,
बड़ रे भुत लुगाई म,
या मारे जा स किलकारी,
बर्तन भांडे ठा ठा फेंकः,
मार मार सिर फुड़वारी,
तु समझ लिए मेरी लाचारी,
दुख कितणा गहरा स,
मैं भी आशा ले क आया,
तेरे दरबार म,
तेरे बिना कुण अपणा दिखे,
इस संसार म,
तेरा खड़या दास कतार म,
यो दुख ने घेरया स,
कह सोतास तेरे चरणां म,
बहः खुशी का दरिया र,
तेरा भक्त बताया स,
एक कर्मबीर रंगपुरिया र,
तुं सुखी करः सब तरियां र,
मन्नै कहरया भतेरा स,
गायक – नरेंद्र कौशिक जी।
प्रेषक – राकेश कुमार जी।
खरक जाटान(रोहतक)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
