बाबा रो लीलो घोड़लीयो,
घोडलीयो घोडलीयो बाबे रो,
भगता रे मन भावे,
ओ तो उडीयो उडीयो आवे,
बाबा रो लीलो घोडलीयो,
हे घोडलीयो घोडलीयो बाबे रो,
तर्ज – अम्लिड़ो।
ओ घोडलीयो आकाशा मे उडीयो जावे,
दरजी ने परचो देवे,
दरजी तो दौड्यो आवे,
चरना मे शिश निवावे,
हे घोडलीयो आकाशा मे उडीयो जावे,
ओ घोडलीयो धोरां मे दौड्यो आवे,
गढ पुंगल माई जावे,
रतना रा बंद छुडावे,
सुगना रा कष्ट मिटावे,
हे घोडलीयो धोरां मे दौड्यो आवे,
ओ घोडलीयो भगता रे हेले आवे,
सेठा रे वेले जावे,
जैसल ने परचो देवे,
अबला री लाज बचावे,
हे घोडलीयो भगता रे हेले आवे,
ओ घोडलीयो समंदा पर उडीयो जावे,
समंदा मे नैया तारे,
बोयता रा प्राण बचावे,
सेठा रा कारज सारे,
हे घोडलीयो समंदा पर उडीयो जावे,
ओ घोडलीयो हरजी रे मन ने भावे,
गढ जोधाणा मे आवे,
लोहे रा चना चबावे,
राजा ने परचो देवे,
हे घोडलीयो हरजी रे मन ने भावे,
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
