कोटासर रे मांई ने ऊँचो बणीयो धाम,
नवराताँ मेळो लागे, सारे सब रा काम
म्हाने प्यारा लागो सा ....
माँ सतीदादी कुळ रखवाली अच्छा लागो सा ,
मेघासर रे मांई ने, प्रकट्या शक्ति आप,
माँ ममता री मूरत जठे ,तुलछिराम जी बाप,
चम चम चमके पालणो, रेशम लागी डोर,
झूला झूले "माना" माजी, दर्शण हो भरपूर ,
दुखिया नित थारे द्वारे आवे, खाली झोळी लेई ,
दुखिया ने सुखिया कर देवे, मुँह मांग्यो वर देई ,
सुत सँग आवो मायड़ माना, करूँ थाने पुकार,
थारो भरोसो मोटो देवी,कीजो बेड़ो पार ,
हुकम हजूर दीज्यो म्हाने, सेवा रो वरदान,
नित उठ थारा दर्शण पाऊँ, करूँ थारो गुणगान,
गायक - सुनीता स्वामी
गीतकार लेखक - श्रीराधे जोशी(हुकम)
विशेष धन्यवाद समस्त कांगला जोशी परिवार कोटासर
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
