रूणझुन बाजे घूंगरीया,
ओ मारे घर आया बाबा,
मारे घर आया बाबा,
मारे घर आया,
रूनझुन बाजे घूंगरीया ओ हो।।
भादरवा री दूज चांदनी,
आ गया आ गया,
ओ भादरवा री दूज चांदनी,
कुंकुम पगल्या मांड भगत,
मन भा गया भा गया,
भाग जाग्या अजमल रा,
नाथ पधार्या द्वरिका,
नाथ पधार्या मरूधर आप पधार्या,
मैणादे माता री गोद्या,
खेल रयो खेल रयो,
ओ मैणादे माता री गोद्या,
द्वापरयुग री यशोदा जी,
हेत भयो हेत भयो,
दूध पिये है सावरियो,
ममता है पाई माँ की,
ममता है पाई माँ की ममता है पाई,
हेत रे पालनीये झूला,
झूल रयो झूल रयो,
ओ हेत रे पालनीये झूला,
पगा पेडनीया बाजे छननन,
घूम रयो घूम रयो,
आंगनीया मे दौड रयो,
सागे है मोहन प्यारा,
लागे है रूप रूपाला मोहन प्यारा,
लीला धारी लीला थारी,
है भगत मन भा रही,
ओ लीला धारी लीला थारी,
मरूधर धोरां धरती गोकुल,
लाग रही लाग रही,
माली कंठा आप बसो,
गावु गुण बाबा थारा,
गावु गुण बाबा संकट मेटो थे मारा,
गायक – प्रकाश माली जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
