भभूती रमाये बाबा भोलेनाथ आए,
भोले नाथ आए बाबा डमरू बजाए,
भभूती रमाए बाबा भोले नाथ आए।।
सखी एक बोली मैया बाहर पधारो,
आयो एक बाबा दिखे बड़ो मतवारो,
भिक्षा देयीके कहदो आसन पधारो,
धरी थार कंचन को मैया सिधारी,
नमन करीके मैया वचन उचारी,
आशीष दीजे बाबा सुखी भये मुरारी,
आशीष दीजे बाबा सुखी वे मुरारी,
बोले भोले बाबा मैया आशीष लीजे,
किन्तु एक हेतु मैया सिद्ध करिजे,
लायी के लाला हमरे हाथ धरीजे,
बोली मैया बाबा म्हारो लाला डरी जईहे,
भेष थारो देखि बाबा रोने लगी जईहे,
याही ते बोलूं तोकु बात मान लईहे,
बोले भोले बाबा मैया यहाँ ते ना जाउंगो,
अन्न जल छोड़ी मैया आसान जमाऊंगो,
जोगी हठ होती क्या है आज मैं दिखाउंगो,
अलख निरंजन कहिके आसन जमायो,
त्रिशूल गाड़ी भूमि डमरू बजायो,
देखि के प्रीती घर में लाला लजायो,
रुदन करिबे लागे मैया दौड़ी आई,
लालन उठइके मैया ह्रदय लगाईं,
टोना करयो है काहू मन में ये आई,
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
