लिलण मारी जाई खरनालीया माई,
मायङ ने बात बता जो ऐ,
बेटो थारो आयो बम्बी पर काम,
धोलीयो वचन निभायो ऐ,
जाटणी सुरो जायो ऐ,
हो तेजाजी ओ बेलीया खेता रे माई,
कुण बाने पानी पीलावे ओ,
हो तेजाजी ओ खङीया रेगा खेत,
कुण बामे मोती निपजावेला,
कुण तो हलियो चलावेला।।
हे लिलण भरीयो गेदं तलाव,
बेलीया तो मारा पाणी पिवेला ऐ,
हे कर्षा भावेला मुगं ज्वार,
खेता रे माई तेजो गावेला,
सांवरियो मोती निपजावेला।।
हे लिलण मारी भिरोसा ने किजो प्रणाम,
भाभज ने साच बताईजो ऐ,
देवरिया रे रेगी मनङा माई,
पेमल ने पगा लगातो ऐ,
उनोङा फलका खातो ऐ।।
हो तेजाजी ओ धिन धरती खरनाल,
धोलीया रे घर सुरो जायो ओ,
हो तेजाजी ओ तुलछाराम भनगाओ,
धणी धोलीया ने गायो ओ,
धणी धोलीया ने गायो रे,
चरणा मे शिश नवायो रे।।
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
