झूपो ढाणी रे वालो खोल रविदास,
दोहा – मीरा जन्मी मेडते,
वहा परणाई चितौड़,
राम भजन प्रताप सु,
वहा सकल सृष्टि सिरमौर,
सकल सृष्टि सिरमौर,
जगत में सारा जानी,
आगे भई अनेक,
केई बाया केई रानी,
जिनकी रित सगराम कहे,
है वैकुण्ठा ठोर,
मीरा जन्मी मेडते,
झुंपो ढाणी रे वालो खोल,
बारे मेडतनी हेलो मारीयो ओ जी,
अरे बारे मेडतनी हेलो मारीयो ओ जी।।
ओ काई पडीयो रे म्हारो काम बाईसा,
काई पडीयो रे मासु काम,
किनरा कामा ने हेलो मारीयो ओ जी,
अरे किनरे कामा ने हेलो मारीयो ओ जी,
अरे काम टाले करनी रो किरतार रविदास,
काम टाले करनी रो किरतार,
घर रा कामा सु हेलो मारीयो ओ जी,
अरे घर रा कामा सु हेलो मारीयो ओ जी।।
ओ धरदे सिर पर हाथ रविदास,
धरदे सिर पर हाथ,
कान फूंके नी कंठी बांधनी ओ जी,
अरे कान फूंके नी कंठी बांधनी ओ जी,
अरे जाईजो शहरीया रे माय बाईसा,
जाईजो थे शहरीया रे माय,
चेली होई जो चोखा साध री ओ जी,
अरे चेली होई जो चोखा संत री ओ जी।।
अरे ओची चमारा वाली जात मीरा,
ओची चमारा वाली जात,
मुआ ढोरो रा काटे चामडा ओ जी,
अरे मरीयोडा ढोरो रा काटे चामडा ओ जी,
अरे कोनी म्हारे ऊंच नीच रो काम रविदास,
कोनी म्हारे ऊंच नीच रो काम,
अरे बाण देखेने गुरूजी कर लिया ओ जी,
चेली बनजो थे छोका संत री ओ जी,
अरे चेली बनजो थे छोका संत री ओ जी।।
ए जोगन हो जावु जग रे माय रविदास,
जोगन हो जावु जग रे माय,
अरे वलती वैरागन आवु देवरे ओ जी,
अरे हरि भज उतरोला पार बाईसा,
हरि भज उतरोला पार,
डोरी लावो थे हरि रा नाम री ओ जी,
अरे डोरी लावो थे हरि रा नाम री ओ जी।।
अरे मीठो सावरिया वालो नाम बाईसा,
मीठो सावरिया वालो नाम,
मीठो मिलावु गरवा देवरो ओ जी,
अरे मीठो मिलावु गरवा देवरो ओ जी।।
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
