लिख लिख अरजी भेजू रुणीजे,
दोहा – अर्जी लिखूं में आपने,
और सुनजो रामा पीर,
हेलो सुनने आवजो,
बाबा धरो म्हारे मन में धीर।
मेहलो में पोढो रामा रे,
सेवक ऊपर साया रखजो,
बाबा सुता हो तो जागो रे,
दास जाने ने दर्शन दिजो,
म्हारो मनड़ो बाबा में लागो रे।।
लीलो रे घोड़ों बाबा भमर भालो,
बाबा पेरण केशरियो बागो रे,
दर्शन कारण बाबा मनड़ो तरसे,
बाबा प्रेम आप सू लागो रे,
मुख से बजावे कान्हो बांसुरी जी,
बाबा बाजे पेरवा री तानो रे,
साधु संत थारी करे सेवना,
ए पियालो रा वासंग राजा रे,
दूर दूर से आवे यात्री,
बाबा मेलो रणुजे लागो रे,
हुकम देवो रे बाबा आऊ रनुजे,
दुखियो रा दुखड़ा काटो रे,
लाछा सुगना करे आरती,
बाबा हरजी चंवर धुलावे ओ,
धूप दीप सु आप पधारो,
भक्तो रा कारज सारो ओ,
रघुराम गुरु मिलिया पूरा,
बाबा कलयुग आयो भारी रे,
दास पिथोयो अरज गुजारे,
बाबा दोय पग देवो सामा रे,
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
