आवे आवे माताजी रमता आवे,
आवे आवे आवे चामुण्डा रमता आवे,
चामुण्डा रमता आवे बायोसा रमता आवे,
आवे आवे आवे बायोसा रमता आवे।।
अरे बायोसा रा मन्दिर में मालन दौडी आवे,
अरे माताजी रा मन्दिर में मालीजी दौड्या आवे,
मालीजी दौड्या आवे फुलडो रा हार चढावे,
फुलडो रा हार चढावे माताजी दर्शन देवे,
ए फुलडो रा हार चढावे माताजी दर्शन देवे,
अरे आवे आवे आवे बायोसा रमता आवे।।
ए माडी बायोसा रा मन्दिर में दरजीजी दौड्या आवे,
अरे बायोसा रा मन्दिर में दरजीजी दौड्या आवे,
अरे तारा जडीयो री चुनडी बायोसा रे लेने आवे,
बायोसा रे लेने आवे दरजीजी वेगा आवे,
ए अरे चामुण्डा रा मन्दिर में सोनीजी दौड्या आवे,
अरे माताजी रा मन्दिर में सोनीजी दौड्या आवे,
सोनीजी दौड्या आवे सोने रो छत्तर चढावे,
सोने रो छत्तर चढावे सोनी ने दर्शन देवे,
ए अरे बायोसा रा मन्दिर में कुम्हारन दौडी आवे,
अरे बायोसा रा मन्दिर में कुम्हारन दौडी आवे,
अरे कोरा कोरा मटका लेने जल चढावन आवे,
अरे जल चढावा आवे रे बायोसा रे चरने आवे,
ए अरे माताजी री आ महिमा दास कन्हैयो गावे,
अरे माताजी री आ महिमा दास कन्हैयो गावे,
अरे चामुण्डा साउण्ड मे मैया थारा भजन सुनावे,
अरे हरीश गहलोत मैया थारा दर्शन पावे,
गायक – संत कन्हैयालाल जी।
प्रेषक – मनीष सीरवी
हिंदी · Read on Bhajan Baan
Share this bhajan with your family
Send it to your satsang group before kirtan so everyone has the words.
